Svefn skiptist í tvennt, hefðbundin svefn og draumasvefn: Hefðbundin svefn skiptist í þrjú stig. Svefnstig eitt: Stig eitt byrjar um leið og við sofnum og varir í um það bil fimm mínútur. Í þessu stigi er hugur og líkami að undirbúa vegferð sína inn í nóttina. (Í svefnstigi eitt getur verið erfitt að átta sig á hvort maður sé sofandi eða vakandi). Flestir hafa lent í því að sitja á fyrirlestri eða að hlusta á kennarann blaðra í skólastofunni og eiga erfitt með að halda sér vakandi. Við finnum augnlokin þyngjast og við kippumst til þegar höfuðið fellur skyndilega. Þarna hefur að öllum líkindum verið örstutt heimsókn í svefnstig eitt, þarna getur verið erfit að greina hvort maður hafi verið vakandi eða sofandi. Svefnstig tvö:Eftir svefnstig eitt förum við í svefnstig tvö í sirka 20 mín. Þarna er svefninn orðin dýpri og fæstir vita af sér eða geta skynjað umhverfi sitt. Svefnstig þrjú: betur þekkt sem djúpsvefn, þá er líkaminn kominn í algera kyrrð Djúpsvefninn er gríðarlega mikilvægur því á meðan honum stendur fer fram ýmis líkamleg starfsemi, meðal annars losun vaxtar hormóna sem er börnum og unglingum verulega mikilvæg. Vaxtarhormón sem myndast í svefni eru einnig nauðsynleg þeim sem eru eldri þar sem losun þeirra hraðar endurnýjun á ýmsum frumum líkamans. Nýleg rannsókn gefur til kynna að í svefnstigi þrjú flokki heilinn þá áreitni sem við verðir fyrir um daginn og ákveði hvað skuli festa í minni og hvað ekki. Einnig er talið að heilinn flokki og geymi sérstaklega þær upplýsingar sem koma okkur að góðum notum. Djúpsvefn er ríkjandi fyrri hluta næturnar ef farið er að sofa fyrir miðnætti. Djúpsvefninn veitir okkur þá hvíld sem við þráum svo heitt þegar við erum mjög þreytt eftir annasaman dag. Ef við fáum ekki nægan djúpsvefn er líklegt að við vöknum þreytt. Draumasvefn: einnig þekktur sem REM svefn einkennist af hröðum augnhreyfingum. Talið er að ástæðan fyrir því geti verið sú að við séum að fylgja eftir myndum drauma okkar með augunum. Ekki er enn hægt að svara því nákvæmlega hvers vegna okkur dreymir en þó er ýmislegt vitað um mikilvægi þessa svefnstigs. Haldið er fram að draumsvefninn sé mikilvægur fyrir minnið og sérstaklega fyrir svokallað aðgerðarminni, það er þegar við lærum athafnir eins og að synda, ganga, hlaupa og spila á hljóðfæri. Börn eyða meiri tíma í draumsvefni en fullorðnir (sérstaklega fyrstu tvö ár ævinnar) sem er talið tengjast því að á þessu æviskeiði læra þau margt nýtt og ýmis ný atferli. Þar að leiðandi þurfa þau að festa sér margt í minni.